- जगत वाशिष्ठ
काठमाडौं । काठमाडौंको तारकेश्वरमा हिसान तारकेश्वर व्याइज एण्ड गस्र्ल टुर्नामेन्ट २०८२ हुने भएको छ । उच्च शिक्षालय तथा माध्यमिक विद्यालय सङ्घ, नेपाल (हिसान) तारकेश्वर नगरपालिकाको आयोजनामा यही मंसिर ५ र ६ गते यो प्रतियोगिता हुने भएको हो । विक्षार्थीहरुको सर्वाङ्गीण विकासमा टेवा पु¥याउने उद्देश्यका साथ यो प्रतियोगिता आयोजना गरिएको हिसान तारकेश्वरका अध्यक्ष लिलबहादुर पुनले जनाएका छन् ।
प्रतियोगिताको पूर्वसन्ध्यामा बुधवार पत्रकार सम्मेलनको आयोजना गरी यसका बारे जानकारी दिइएको हो । तारकेश्वरको सेक्रेड हार्ट माध्यमिक विद्यालयको फुटसल मैदानमा सञ्चालन हुने प्रतियोगितामा छात्र तर्फ ८ वटा र छात्रातर्फ ७ वटा टिम सहभागी हुने बताइएको छ । यो प्रतियोगितालाई अन्तर्राष्ट्रिय अभ्यास र नीति नियमभित्र रहेर सञ्चालन गरिने आयोजकले जनाएको छ । खेल सञ्चालनका लागि अखिल नेपाल फुटबल संघ (एन्फा)का रेफ्री ज्ञानेन्द्र आलेको समूहलाई जिम्मेवारी दिइएको छ ।
मंसिर ५ गते बिहान ९ बजेदेखि सुरु हुने प्रतियोगिता मंसिर ६ गते दिउसो २ बजे समापन गरिने कार्यतालिका सार्वजनिक गरिएको छ । प्रतियोगिताको उद्घाटन हिसानका केन्द्रीय सह कोषाध्यक्ष नरेन्द्रबहादुर अधिकारीले गर्नेछन् भने समापन काठमाडौं जिल्ला शिक्षा समन्वय इकाइका प्रमुख समन्तमणि आचार्यले गर्ने बताइएको छ । प्रतियोगितामा विजयी हुने टोलीलाई पुरस्कार, मेडल र प्रमाणपत्र वितरण गरिनेछ ।
प्रतियोगिताका उत्कृष्ट गोलकर्ता, उत्कृष्ट खेलाडी र उत्कृष्ट गोल किपरलाई पनि पुरस्कृत गरिने हिसानले जनाएको छ । यो प्रतियोगिताको अध्यक्षता हिसान तारकेश्वरका अध्यक्ष तथा एञ्जल हार्ट माध्यमिक विद्यालयका अध्यक्ष लिलबहादुर पुनले गर्नेछन् भने कार्यक्रमको सम्पूर्ण रुपरेखा तारकेश्वर हिसानका अतिरिक्त क्रियाकलाप प्रमुख श्री राजेश रायमाझी र सेक्रेड हार्ट माध्यमिक विद्यालयका प्रिन्सिपल बद्रीनाथ भट्टले तयार गर्ने जानकारी दिइएको छ ।
