न्यूयाेर्क । अमेरिका स्थित स्वास्थ्य शिक्षा क्षेत्रमा अग्रणी संस्था Adtalem Global Education Inc. (NYSE: ATGE) ले आफ्नो शेयरधारक मूल्य वृद्धि र वित्तीय सुदृढीकरणको उद्देश्यसहित ७५० मिलियन बराबरको स्टक बायब्याक कार्यक्रम बोर्डको अनुमति पाएको छ।

कम्पनीले जारी गरेको विज्ञप्तिमा उल्लेख छ कि यो नयाँ बायब्याक कार्यक्रम डिसेम्बर २०२५ देखि डिसेम्बर २०२८ सम्म लागू हुनेछ र यसले कम्पनीको दीर्घकालीन रणनीतिक योजना र नगद प्रवाह व्यवस्थापनमा बल पुर्‍याउनेछ।

एजीइले अघिल्लो वर्ष सम्पन्न १५० मिलियनको स्टक बायब्याक कार्यक्रम सफलतापूर्वक पूरा गरेको थियो । जसअन्तर्गत करिब १.६ मिलियन शेयर पुन: खरिद गरिसकेको जनाइएकाे छ । नयाँ कार्यक्रमले शेयरधारकलाई प्रत्यक्ष लाभ पुर्‍याउने अपेक्षा गरिएको छ।

कम्पनीको बोर्डका अध्यक्षले भने, “हामीले यो कदम शेयरधारक मूल्य बढाउने, कम्पनीको वित्तीय स्थिति सुदृढ बनाउने र दीर्घकालीन रणनीतिक योजनामा प्रतिबद्धता देखाउने उद्देश्यले उठाएका हौँ।”

बजारको प्रारम्भिक प्रतिक्रिया सकारात्मक देखिएको छ। नयाँ बायब्याक कार्यक्रम घोषणा भएपछि एजीइको स्टक मूल्यमा ४ प्रतिशत भन्दा बढीको उछाल आएको छ। विश्लेषकहरूले यसलाई कम्पनीको वित्तीय मजबूती र शेयरधारकप्रतिको विश्वासको संकेत मानिरहेका छन्।

Adtalem Global Education विश्वभर स्वास्थ्य शिक्षा क्षेत्रमा परिचित नाम हो। यसले Chamberlain University, Walden University, Ross University School of Medicine लगायत संस्थाहरू मार्फत लाखौँ विद्यार्थीलाई नर्सिङ, चिकित्सा, सार्वजनिक स्वास्थ्य र अन्य स्वास्थ्य सम्बन्धी शिक्षा प्रदान गर्दै आएको छ।

कम्पनीको नयाँ स्टक बायब्याकले लगानीकर्तामा उत्साह थप्ने र शेयरधारक मूल्यमा सम्भावित वृद्धि ल्याउने अपेक्षा गरिएको छ।